\section{Hymni pro singulis diebus hebdomadæ} \subsection{Pro dominicis} \paragraph{Ad Matutinum} (Ab octava Epiphaniæ ad Quadragesimam, et a mense octobri ad Adventum.) Primo dierum omnium, Quo mundus exstat conditus Vel quo resurgens Conditor Nos morte victa liberat, Pulsis procul torporibus, Surgamus omnes ocius, Et nocte quæramus, pium Sicut prophetam novimus ; Nostras preces ut audial, Suamque dextram porrigal, Et expiatos sordibus Reddat polorum sedibus ; Ut quique sacratissimo Hujus dici tempore Horis quietis psalJimus, Donis beatis munerct. Jam nunc, paterna claritas Te postulamus affatim, Absit libido sordidans, Et omnis actus noxius. Ne fœda sit vel lubrica Compago nostri corporis, Per quam Averni ignibus Ipsi crememur acrius. Ob hoc, Redemptor, quæsumus Ut probra nostra diluas, Vitæ perennis commoda Nobis benigne conferas ; Quo carnis actu exules, Effecti ipsi cœlibes, Ut præstolamur cernui, Melos canamus gloriæ. Præsta, Pater piissime, Patrique compar unice, Cum Spiritu Paraclito Regnans per omne sæeculum. (Ab octava corporis Christi ad kalendas octobris.) Nocte surgentes vigilemus omnes. Semper in psalmis, meditemur, atque Viribus totis Domino canamus Dulciter hymnos, Ut pio regi pariter canentes, Cum suis sanctis mereamur aulam Ingredi cœli, simul et beatam Ducere vitam. Præstet hoc nobis Deitas beata Patris, ac Nati, pariterque sancti Spiritus, cujus reboat in omni Gloria mundo. \paragraph{Ad Laudes} (Ab octava Epiphaniæ ad Quadragesimam, et a mense octobri ad Adventum.) Æterne rerum conditor, Noctem diemque qui regis, Et temporum das tempora, Ut alleves fastidium, Præco dici jam sonat, Noctis profundæ pervigil, Nocturna lux viantibus, A nocte noctem segregans. Hoc excitatus Lucifer Solvit polum caligine ; Hoc omnis erronum chorus Viam nocendi deserit. Hoc nauta vires colligit, Pontique mitescunt freta. Hoc ipsa petra Ecclesiaæ ; Canente culpam diluit. Surgamus ergo strenue, Gallus jacentes excitat. Et somnolentos increpat ; Gallus negantes arguit. Gallo canente, spes redit, Ægris salus refunditur, Mucro latronis conditur, Lapsis fides revertitur. Jesu, labantes respice, Et nos videndo corrige : Si respicis, lapsi stabunt, Fletuque culpa solvitur. Tu lux refulge sensibus, Mentisque somnum discute ; Te nostra vox primum sonet, Et vota solvamus tibi. Deo Patri sit gloria, Ejusque soli Filio. Cum Spiritu Paraclito, Et nunc et in perpetuum. (Ab octava corporis Christi ad kalendas octobris.) Ecce jam noctis tenuatur umbra, Lucis aurora rutilans coruscat : Nisibus totis rogitemus omnes Cunctipotentem, Ut Deus noslri miseratus, omnem Pellat languorem, tribuat salutem, Donet et nobis pietate Patris Regna polorum. Præstet hoc nobis Deitas beata Patris, ac Nati, pariterque sancti Spiritus, cujus reboat in omni Gloria mundo. \paragraph{Ad Primam} Jam lucis orto sidere, Deum precemur supplices, Ut in diurnis actibus Nos servet a nocentibns. Liuguam refrenans temperet, Ne litis horror insonet ; Visum fovendo contegat, Ne vanitates hauriat. Sint pura cordis intima. Absistat et vecordia ; Carnis terat superbiam Potus cibique parcitas : Ut cum dies abscesserit, Noctemque sors reduxerit, Mundi per abstinentiam Ipsi canamus gloriam. Deo Patri sit gloria, Ejusque soli Filio, Cum Spiritu Paraclito, Et nunc et in perpetuum. \paragraph{Ad Tertiam} Nunc sancte nobis Spiritus, Unum Patri cum Filio, Dignare promptus ingeri Nostro refusus pectori. Os, lingua, mens, sensus, vigor, Confessionem personent ; Flammescat igné charitas, Accendat ardor proximos. Præsta, Pater piissime Patrique compar unice, Cum Spiritu Paraclito Regnans per omne sœculum. \paragraph{Ad Sextam} Rector potens, verax Deus, Qui temperas rerum vices, Splendore mane instruis, Et ignibus meridiem, Extingue flammas litium ; Aufer calorem noxium ; Confer salutem corporum, Veramque pacem cordium. Præsta, Pater piissime, Patrique compar unice, Cum Spiritu Paraclito Regnans per omne sæculum. \paragraph{Ad Nonam} Rerum Deus tenax vigor, Immotus in te permanens, Lucis diurnæ tempora Successibus determinans, Largire clarum vespere, Quo vita nusquam decidat, Sed præmium mortis sacræ. Perennis instet gloria. Præsta, Pater piissime, Patrique compar unice, Cum Spiritu Paraclito Regnans per omne sæculum. \paragraph{Ad Vesperas} Lucis creator optime, Lucem dierum proferens, Primordiis lucis novæ Mundi parans originem ; Qui mane junctum vesperi Diem vocari præcipis : Tetrum chaos illabitur, Audi preces cum fletibus ; Ne mens gravata crimine Vitæ sit exul munere, Dum nil perenne cogitat, Seseque culpis illigat. Cœlorum pulset intimum, Vitale tollat præmium, Vitemus omne noxium, Purgemus omne pessimum. Præsta, Pater piissime, Patrique compar unice, Cum Spiritu Paraclito, Regnans per omne sæculum. \paragraph{Ad Completorium} Te lucis ante terminum Rerum creator, poscimus, Ut solita clementia Sis præsul ad custodiam. Procul recedant somnia Et nocturnum phantasmata, Hostemque nostrum comprime, Ne polluantur corpora. Præsta, Pater omnipotens, Per Jesum Christum Dominum, Qui tecom in perpetuum Regnat cum sancto Spirito. (Hi hymni ad Primam, Tertiam, Sextam, Nonam, et Completorium dicuntur singulis diebus anni.) \subsection{Feria 2} \paragraph{Ad Matutinum} Somno refectis artubus. Spreto cubili surgimus : Nobis, Pater, canentibus Adesse te deposcimus. Te lingua primum concinat, Te mentis ardor ambiat, Ut actuum sequentium Tu, sancte, sis exordium. Cedant tenebræ lumini, Et nox diurno sideri, Ut culpa quam nox intulit Lucis labascat munere. Precamur idem supplices, Noxas ut omnes amputes, Et ore te canentium Lauderis in perpetuum. Præsta, Pater piissime, Patrique compar unice, Cum Spiritu Paraclito Regnans per omne sæculum. \paragraph{Ad Laudes} Splendor paternæ gloriæ, De luce lucem proferens ; Lux lucis, et fons luminis, Diem dies illuminans ; Verusque sol illabere, Micans nitore perpeti ; Jubarque sancti Spiritus Infunde nostris sensibus. Votis vocemus et Patrem, Patrem perennis gloriæ, Patrem potentis gratiæ : Culpam releget lubricam. Confirmet actus strenuos, Dentes retundat invidi, Casus secundet asperos, Donet gerendi gratiam. Mentem gubernet et regat, Casto, fideli corpore ; Fides calore ferveat, Fraudis venena nesciat. Christusque nobis sit cibus, Potusque noster sit fides : Læti bibamus sobriam Ebrietatem spiritus. Lætus dies hic transeat : Pudor sit ut diluculum, Fides velut meridies, Crepusculum mens nesciat. Aurora cursus provehit : Aurora totus prodeat. In Patre totus Filius, Et totus in Verbo Pater. Deo Patri sit gloria, Ejusque soli Filio, Cum spiritu Paraclito, Et nunc et in perpetuum. \paragraph{Ad Vesperas} Immense cœli conditor, Qui mixta ne confunderent, Aquæ fluenta dividens, Cœlum dedisti limitem, Firmans locum cœlestibus, Simulque terræ rivulis, Ut unda flammas temperet, Terræ solum ne dissipent : Infunde nunc, piissime, Donum perennis gratiæ. Fraudis novæ ne casibus Nos error atterat vetus. Lucem fides inveniat ; Sic luminis jubar ferat, Ut vana cuncta terreat Hanc falsa nulla comprimant. Præsta, Pater piissime, Patrique compar unice, Cum Spiritu Paraclito Regnans per omme sæculum. \subsection{Feria 3} \paragraph{Ad Matutinum} Consors paterni luminis, Lux ipse lucis et dies, Noctem canendo rumpimus : Assiste postulantibus. Aufer tenebras mentium, Fuga catervas dæmonum, Expelle somnolentiam, Ne pigritantes obruat. Sic, Christe, nobis omnibus Indulgeas credentibus, Ut prosit exorantibus, Quod præcinentes psallimus. Præsta, Pater piissime, Patrique compar unice, Cum Spiritu Paraclito Regnans per omne sæculum. AD LAUDES. Ales diei nuntius Lucem propinquam præcinit, Nos excitator mentium, Jam Christus ad vitam vocat. Auferte, clamat, lectulos Ægro sopore desides, Castique, recti, ac sobrii Vigilate, jam sum proximus. Jesum ciamus vocibus, Flentes, precantes, sobrii ; Intenta supplicatio Dormire cor mundum vetat. Tu, Christe, somnum discute, Tu rumpe noctis vincula. Tu solve peccatum vetus, Novumque lumen ingere Deo Patri sit gloria, Ejusque soli Filio, Cum Spiritu Paraclito Et nunc et in perpetuum. \paragraph{Ad Vesperas} Telluris ingens conditor, Mundi solum qui eruens, Pulsis aquæ molestiis, Terram dedisti immobilem, Ut germen aptum proferens, Fulvis decora floribus, Fecunda fructu sisteret, Pastumque gratum redderet, Mentis perustæ vulnera Munda virore gratiæ, Ut facta fletu diluat, Motusque pravos atterat. Jussis tuis obtemperet Nullis malis approximet, Bonis repleri gaudeat, Et mortis actum nesciat. Præsta, Pater piissime, Patrique compar unice, Cum Spiritu Paraclito Regnans per omne sæculum. \subsection{Feria 4} \paragraph{Ad Matutinum} Rerum creator optime, Rectorque noster, aspice. Nos a quiete noxia Mersos sopore libera. Te, sancte Christe, poscimus. Ignosce tu criminibus : Ad confitendum surgimus, Morasque noctis rumpimus. Mentes manusque tollimus, Propheta sicut noctibus Nobis gerendum præcipit, Paulusque gestis censuit. Vides malum quod gessimus, Occulta nostra pandimus ; Preces gementes fundimus : Dimitte quod peccavimus. Præsta, Pater piissime, Patrique compar unice, Cum Spiritu Paraclito Regnans per omne sæculum. \paragraph{Ad Laudes} Nox et tenebraæ et nubila, Confusa mundi, et turbida (Lux intrat, albescit polus, Christus venit), discedite. Caligo terræ scinditur, Percussa solis spiculo, Rebusque jam color redit Vultu nitentis sideris. Te, Christe, solum novimus, Te mente pura et simplici, Flendo et canendo quæsumus, Intende nostris sensibus. Sunt multa fucis illita, Quæ luce purgentur tua ; Tu, lux, eoi sideris, Vultu sereno illumina. Deo Patri sit gloria, Ejusque soli Filio, Cum Spiritu Paraclito, Et nunc et in perpetuum. \paragraph{Ad Vesperas} Cœli Deus sanctissime, Qui lucidum centrum poli Candore pingis igneo, Augens decoro lumine ; Quarto die qui flammeam Solis rotam constituens Lunæ ministras ordinem, Vagosque cursus siderum, Ut noctibus vel lumini Diremptionis terminum, Primordiis et mensium Signum dares notissimum : Illumina cor hominum, Absterge sordes mentium, Resolve culpæ vinculum, Everte moles criminum. Præsta, Pater piissime, Patrique compar unice, Cum Spiritu Paraclito Regnans per omue sæculum. \subsection{Feria 5} \paragraph{Ad Matutinum} Nox atra rerum contegit Terræ colores omnium : Nos confitentes poscimus Te, juste judex cordium, Ut auferas piacula, Sordesque mentis abluas ; Donesque, Christe, gratiam, Ut arceantur crimina. Mens ecce torpet impia, Quam culpa mordet noxia : Obscura gestit tollere, Et te, Redemptor, quærere. Repelle tu caliginem Intrinsecus quam maxime, Ut in beato gaudeat Se collocari limine. Præsta, Pater piissime, Patrique compar unice, Cum Spiritu Paraclito Regnans per omne sæculum. \paragraph{Ad Laudes} Lux ecce surgit aurea : Pallens fatiscat cæcitas Quæ nosmet in præceps diu Errore traxit devio. Hæc lux serenum conferat, Purosque nos præstet sihi Nihil loquamur subdolum, Volvamus obscurum nihil. Sic tota decurrat dies, Ne lingua mendax, ne manus, Oculive peccent lubrici, Ne noxa corpus inquinet. Speculatour astat desuper, Qui nos diebus omnibus Actusque nostros prospicit, A luce prima in vesperum. Deo Patri sit gloria, Ejusque soli Filio, Cum Spiritu Paraclito, Et nunc et in perpetuum. \paragraph{Ad Vesperas} Magnæ Deus potentiæ, Qui ex aquis ortum genus Partim remittis gurgiti, Partim levas in aera, Demersa lymphis imprimens, Subvecta cœlis erigens, Ut stirpe una prodita Diversa rapiant loca : Largire cunctis servulis Quos mundat unda sanguinis, Nescire lapsus criminum, Nec ferre mortis tædium, Ut culpa nullum deprimat, Nullum levet jactantia, Elisa mens ne concidat, Elata mens ne corruat. Præsta, Pater piissime, Patrique compar unice, Cum Spiritu Paraclito Regnans per omne sæculum. \subsection{Feria 6} \paragraph{Ad Matutinum} Tu Trinitatis unitas, Orbem potenter qui regis, Attende laudum cantica, Quæ excubantes psallimus ; Nam lectulo consurgimus, Noctis quieto tempore, Ut flagitemus vulnerum A te medelam omnium, Quo fraude quidquid dæmonum, In noctibus deliquimus, Abstergat illud cœlitus Tuæ potestas gloriæ. Ne corpus adsit sordidum, Nec torpor instet cordium, Nec criminis contagio Tepescat ardor spiritus. Ob hoc, Redemptor, quæsumus, Reple tuo nos lumine, Perquod dierum circulis Nullis ruamus actibus. Præsta, Pater piissime, Patrique compar unice, Cum Spiritu Paraclito Regnans per omne sæculum. \paragraph{Ad Laudes} Æterna cœli gloria, Beata spes mortalium, Celsi tonantis unice, Castæque proles virginis, Da dexteram surgentibus, Exsurgat ut mens sobria, Flagrans et in laudem Dei Grates rependat debitas. Ortus refulget Lucifer, Sparsamque lucem nuntiat ; Cadit caligo noctium : Lux sancta nos illuminet ; Manensque nostris sensibus, Noctem repellat sæculi, Omnique fine diei Purgata servet pectora. Quæsita jam primum fides Radicet altis sensibus ; Secunda spes congaudeat, Qua major exstat charitas. Deo Patri sit gloria, Ejusque soli Filio, Cum Spiritu Paraclito, Et nunc et in perpetuum. \paragraph{Ad Vesperas} Plasmator hominis, Deus, Qui cuncta solus ordinans, Humum jubes producere Reptantis et feræ genus ; Qui magna rerum corpora, Dictu jubentis vivida, Ut serviant per ordinem, Subdens dedisti homini : Repelle a servis tuis Quidquid per immunditiam Aut moribus se suggerit, Aut actibus se interserit. Da gaudiorum præmia, Da gratiarum munera, Dissolve litis vincula, Astringe pacis fœdera. Præsta, Pater piissime, Patrique compar unice, Cum Spiritu Paraclito Regnans per omne sæculum. \subsection{Sabbato} \paragraph{Ad Matutinum} Summæ Deus clementiaæ Mundique factor machinæ ; Unus potentialiter, Trinusque personaliter, Nostros pius cum canticis Fletus benigne suscipe, Quo corde puro sordibus Te perfruamur largius. Lumbos jecurque morbidum Adure igni congruo, Accincti ut sint perpetim Luxu remoto pessimo ; Ut quique horas noctium Nunc concinendo rumpimus, Donis beatæ patriæ Ditemur omnes affatim. Præsta, Pater piissime, Patrique compar unice, Cum Spiritu Paraclito Regnans per omne sæculum. \paragraph{Ad Laudes} Aurora jam spargit polum, Terris dies illabitur, Lucis resultat spiculum, Discedat omne lubricum. Phantasma noctis decidat, Mentis reatus subruat ; Quidquid tenebris horridum Nox attulit culpæ, cadat ; Et mane illud ultimum Quod præstolamur cernui, In lucem nobis effluat, Dum hoc canore concrepat : Deo Patri sit gloria, Ejusque soli Filio, Cum Spiritu Paraclito, Et nunc et in perpetuum. \paragraph{Ad Vesperas} O lux beata, Trinitas, Et principalis unitas, Jam sol recedit igneus, Infunde lumen sensibus. Te mane laudum carmine, Te deprecamur vespere ; Te nostra supplex gloria Per cuncta laudet sæcula. Deo Patri sit gloria, Ejusque soli Filio Cum Spiritu Paraclito, Et nunc et in perpetuum.