\section{Ad Sextam}

Ave, Maria, etc.

Deus, in adjutorium
meum intende, etc.

Alleluia.

\paragraph{Hymnus}

Memento, salutis auctor, etc.

\antiphona In odorem.

\paragraph{Psalmus CXXII}

Ad te levavi oculos
meos, qui habitas in cœlis.



Ecce sicut oculi servorum 
in manibus dominorum 
suorum ;


Sicut oculi ancillæ in
manibus dominæ suæ,
ita oculi nostri ad Dominum 
Deum nostrum, donec misereatur nostri.

Miserere nostri, Domine, 
miserere nostri,
quia multum repleti sumus
despectione ;

Quia multum repleta est
anima nostra : oppriobrium
abundantibus, et despectio
superbis.

Gloria Patri, et Filio, et
Spiritui sancto !
Sicut erat, etc.


\paragraph{Psalmus CXXIII}

Nisi quia Dominus erat
in nobis, dicat nunc Israel,
nisi quia Dominus erat in
nobis,

Cum exsurgerent homines 
in nos, forte vivos 
deglutissent nos.


Cum irasceretur furor
eorum in nos, forsitan
aqua absorbuisset nos.


Torrentem pertransivit
anima nostra : forsitan
pertransisset anima nostra
aquam intolerabilem.

Benedictus Dominus,
qui non dedit nos in
captionem dentibus eorum !


Anima nostra, sicut
passer, erepta est de 
laqueo venantium.


Laqueus contritus est,
et nos liberati sumus.



Adjutorium nostrum in
nomine Domini, qui fecit
cœlum et terram.


Gloria Patri, et Filio,
et Spiritui sancto!
Sicut erat, etc.


\paragraph{Psalmus CXXIV}

Qui confidunt in Domino, 
sicut mons Sion :
non commovebitur in
æternum qui habitat in Jerusalem.

Montes in circuitu ejus ;
et Dominus in circuitu
populi sui, ex hoc nunc,
et usque in sæculum ;

Quia non relinquet Dominus 
virgam peccatorum super sortem
justorum, ut non extendant justi ad
iniquitatem manus suas.

Benefac, Domine, bonis 
et rectis corde.



Declinantes autem in
obligationes adducet Dominus 
cum operantibus iniquitatem : 
pax super Israel.

Gloria Patri, et Filio,
et Spiritui sancto !
Sicut erat, etc.


\antiphona In odorem unguentorum tuorum currimus :
adolescentulæ dilexerunt te nimis.

\paragraph{Capitulum (Ecclesiastici XXIV)}

Et radicavi in populo honorificato, et in parte
Dei mei hæreditas illius, et in plenitudine sanctorum
detentio mea.
\rr Deo gratias.

\vv Benedicta tu in mulieribus.
\rr Et benedictus fructus ventris tui.

Kyrie, eleison.
Christe, eleison.
Kyrie, eleison.

\vv Domine, exaudi orationem meam.
\rr Et clamor meus ad te veniat.

\paragraph{Oremus}

Concede, misericors Deus, fragilitati nostræ præsidium,
ut qui sanctæ Dei genitricis memoriam agimus,
intercessionis ajus auxilio a nostris iniquitatibus resurgamus.
Per Dominum nostrum Jesum Christum.
\rr Amen.


\vv Domine, exaudi orationem meam.
\rr Et clamor meus ad te veniat.

\vv Benedicamus Domino.
\rr Deo gratias.

\vv Fidelium animæ, per misericordiam Dei, requiescant
in pace.
\rr Amen.